
Mafê dengnekirinê yê Hevberdevkê HDK’ê Şenoglû wek ‘sûc’ hat dîtin 

2020-12-12 09:31:35


	STENBOL – Doznameya derbarê Hevberdevkê HDK’ê Sedat Şenoglû yê girtî de hat amadekirin, temam bû. Şenoglû di doznameyê bi beşdariya merasîmên cenazeyên di navbera salên 2015 û 2018’an de tê sûcdarkirin. Her wiha mafê dengnekirinê yê li Miduriyeta Polîsan jî wek “helwesta rêxistinî” hatiye nirxandin.&nbsp;

	&nbsp;

	Li dijî Partiya Sosyalîst a Bindestan (ESP) di 8’ê îlonê de operasyon hatibû lidarxistin. Di operasyonê de Hevberdevkê Kongreya Demokratîk a Gelan (HDK) Sedat Şenoglû jî hatibû binçavkirin û bi îdiaya “endamê rêxistinê ye” hatibû girtin. Doznameya derbarê Şenoglû yê 3 meh in li Girtîgeha Sîlîvrî girtî ne ji aliyê Serdozgeriya Komarê ya Stenbolê ve hat hat amadekirin.

	&nbsp;

	ŞAHID: MIN WÎ LI MIDURIYETA POLÎSAN NAS KIR

	&nbsp;

	Şenoglû li ser îfadeyên vekirî yê bi navê kesê Ender Yalçin hatiye girtin. Di doznameyê de Şenoglû bi beşdariya merasîma cenazeyên di salên 2015 û 2018’an tê sûcdarkirin. Ender Yalçin ewilî dibêje ku Şenoglû nas dike paşê jî dibêje ku ew nasnameya vekirî ya Sedat Şenoglû li Miduriyeta Polîsan hîn dibe.

	&nbsp;

	BEŞDARIYA CENAZEYAN KIRINE SÛC

	&nbsp;

	Beşdariya Sedat Şenoglû ya merasîma cenazeyên Şîrîn Oter û Yelîz Erbay, bîranîna salvegera mirina Suphî Nejat Agirnasli, merasîma cenazeye Îrfan Gerçek wek sûc hatiye nirxandin. Delîliya van sûcdariyan jî wek nûçeyên di çapemeniyê de hatiye nîşandan.

	&nbsp;

	MAFÊ DENGKIRINÊ WEK ‘HELWESTA RÊXISTINÊ’ HATIYE NIÎŞANDAN

	&nbsp;

	Her wiha di dema binçavkirinê ya li Miduriyeta Polîsan de nexwarina xwarinê ya Şenoglû û mafê dengnekirinê wek sûcek “helwesta rêxistinî” hatiye nirxandin.

	&nbsp;

	SÛCDARIYA RED KIR

	&nbsp;

	Şenoglû di darizandina dadgeriyê de sûcdariyên li ser xwe red kir û ESP partiyek siyasî ye û wî di nava ESP’ê de xebatên siyasî birêve biriye û tu eleqeya wî bi kesê navê EEnder Yalçin re nîne.

	&nbsp;

	‘DOSYE DUBAREBÛYÎ YE’

	&nbsp;

	Parêzera Şenoglû, Gulîzar Tuncer destnîşan kir ku naveroka doznameya hatiye amadekirin vala ye û doseya dozê dosyeyek dubarebûyî ye. Tuncer got miwekîlê wê Şenoglû li Dadgeha Cezayê Giran a 11’emîn a Stenbolê bi heman îdia û sûcdariyan ne girtî ji dosyeyek din tê darizandin û amadekirina du dosyeyan ji heman sûcan li dijî rêbaz û hiqûqê ye. Tuncer got ew ê daxwaz bikin ku her du dosyeyan bikin yek.

	&nbsp;

	DANIŞÎNA EWIL DI 26’Ê ÇILE DE YE

	&nbsp;

	Doznameya derarê Şenoglû de bi îdiaya “endamtiya rêxistinê” hatiye amadekirin ji aliyê Dadgeha Cezayê Giran a 36’emîn a Stenbolê ve hat pejirandin. Danişîna ewil a dozê dê di 26’ê çileya 2021’an de were lidarxistin.

	&nbsp;

	MA / Erdogan Alayûmat