
Dadgeha Bilind cezayê derbarê Ûca de xera kir 

2020-12-01 09:03:05


	AMED - Dadgeha Bilind cezayê li Parlementera HDP'ê Feleknas Ûca hatibû birîn xera kir.&nbsp;

	Dadgehê, biryar da ku ji ber xala 83'yan a derbarê bêrîtiya parlementeran de ne mimkun e ku darizandina parlementeran bidome. Lewma Daîreya 7'an a Dadgeha Bilind, 10 meh cezayê ku li Parlemenetra HDP'ê Feleknas Ûcayê hatibû birîn xera kir.&nbsp;

	&nbsp;

	10 MEH CEZA&nbsp;

	&nbsp;

	Bi hinceta ku Ûca di sala 2012'an de ji bo kesên di greva birçîbûnê de ji derveyî welêt heba vîtamînê ya B-1 aniye derbarê wê de doz hatibû kirin û di çaçroveya vê dozê de Dadgeha Ceza ya Asliye ya 34'an a Bakirkoy a Stenbolê 10 meh ceza li Ûcayê birîbû. Lê belê Dadgeha Bilind cezayê hatibû birîn xera kir.&nbsp;

	&nbsp;

	Piştî ku di sala 2014'an de ceza li Ûcayê hatibû birîn, parêzerê wê Ramazan Demîr jî serî li Dadgeha Bilind dabû.&nbsp;

	&nbsp;

	Dadgeha Bilind jî piştî 6 salan serlêdana Ûcayê nirxand û biryar da. Dadgeha Bilind di biryara xwe de diyar kir ku piştî Ûca bûye parlementer hikim xwariye, lê belê li gor xala 83'yan a Qanûna Bingehîn a derbarê bêrîtiya parlementeriyê biryara darizandinê da sekinandin û biryara dadgeha ceza ya asliyeyê jî xera kir.&nbsp;