
Piştî gotina 'reformê' ya Erdogan, 415 kes hatin binçavkirin

2020-11-28 12:02:00


	&nbsp;

	NAVENDA NÛÇEYAN – Piştî daxuyaniya “reformê” ya Serokkomarê AKP’yî Erdogan, di operasyonên li dijî HDP’ê û muxalîfan destpêkirin de herî kêm 415 kes hatin binçavkirin û 11 kes jî hatin girtin.&nbsp;

	&nbsp;

	Serokkomarê AKP’yî Tayyîp Erdogan piştî ku zavayê wî Berat Albayrak ê Wezîrê Xazîne û Darayî ji wezîfeya xwe îstîfa kir, daxuyaniya di “daraz û aboriyê de reform” da. Vê daxuyaniya Erdogan zivirî pêla binçavkirin û girtinan. Piştî gotinên Erdogan di 17 rojan de li 18 navenda operasyon li ser operasyonan pêk hatin û herî kêm 415 kes hatin binçavkirin û 11 kes jî hatin girtin. Bi piraniya van binçavkiriyan endam û rêveberên Partiya Demokratîk a Gelan (HDP) ne. Hêj gelek kes di binçavan de ne.

	&nbsp;

	AMED Û BAJARÊN DERDORA WÊ&nbsp;

	&nbsp;

	Ji 11’ê mijdarê vir ve li bajarên wek Amed, Êlih, Çewlig, Dersim, Sêrt, Mêrdîn, Şirnex, Wan, Erzirom, Bedlîs û gelek bajarên din 125 kes hatin binçavkirin. 10 kes ji van binçavkiriyan hatin girtin.&nbsp;

	&nbsp;

	Di 16’ê mijdarê de li ser fermana Serdozgeriya Komarê ya Amedê 11 kes hatin binçavkirin û Hevşaredarê Sûrê Cemal Ozdemîr ê qeyûm tayînî şûna wî hatibû kirin hat girtin.&nbsp;

	&nbsp;

	Di 20’ê mijdarê de li ser fermana Serdozgeriya Komarê ya Amedê li ser KCD’ê operasyonek hat birêvebirin û derbarê 101 kesî de biryara binçavkirinê derxistin. Ji van 101 kesî 75 kes hatin binçavkirin û 5 ji wan hatin girtin.&nbsp;

	&nbsp;

	Di 27’ê mijdarê de rêveberê Odeya Avahîsazan a Şaxa Amedê Azîz Yagmûr, kesên bi navê Mehmet Yalçin, Sabrî Ozdemîr, Ercan Kaysi û Egît Kaçar hatin binçavkirin. Di heman rojê de li Êlihê di serdegirtinên malan de 15 kes hatin binçavkirin. Li Sêrtê jî Endama Meclîsa Giştî ya Bajêr Cemîle Altan hat binçavkirin.&nbsp;

	&nbsp;

	Li Wanê nûçegihanê ajansa me Dîndar Karataş hat binçavkirin û dadgeha Erziromê wî girt û şandin girtîgehê.&nbsp;

	&nbsp;

	STENBOL Û DERDORA WÊ&nbsp;

	&nbsp;

	Li Stenbol, Kocaelî û Bûrsayê parêzer, siyasetmedar û karkerên li mafê xwe digeriyan jî di nav de 171 kes hatin binçavkirin.&nbsp;

	&nbsp;

	EDENE, MÊRSÎN Û ANTALYA&nbsp;

	&nbsp;

	Li Edene, Mêrsîn û Antalyayê 15 kes hatin binçavkirin û ji van 8 kes bi şertê kontrola edlî hatin berdan.

	&nbsp;

	ENQRE Û ÎZMÎR&nbsp;

	&nbsp;

	Di 27’ê mijdarê de li Eqnereyê 7 kes û li Îzmîrê jî 17 kes hatin binçavkirin.&nbsp;

	&nbsp;

	ROJNAMEVAN JÎ BÊPAR NAMÎNIN&nbsp;

	&nbsp;

	Di vê pêvajoya pêla binçavkirin û girtinê de nûçegihanên ajansa me jî para xwe digirin. Nûçegihanê ajansa me yê Enqereyê Hakan Yalçin jî di 27’ê mijdarê de di serdegirtina malê de hat binçavkirin.&nbsp;

	&nbsp;

	Edîtora Beşa Kurdî ya JinNews’ê Roza Metîna jî li Amedê hatibû binçavkirin û hat berdan. Li Stenbolê jî rojnamevan Kesîre û Davût Ûçar hatin binçavkirin. Ûçar hat berdan û Oner hêj di binçavan de ye.&nbsp;

	&nbsp;

	MA / Denîz Nazlim

	&nbsp;