
Hevseroka TUAY-DER’ê Harran hat berdan

2020-11-06 14:18:47


	&nbsp;

	AMED - Hevseroka TUAYDER’ê Elîf Harran a ji ber xebatên komeleyê girtî dihat darizandin, hat berdan.

	&nbsp;

	Danişîna doza derbarê Hevseroka TUAY-DER’ê Elîf Harran a bi sûcdariya “Endamtiya rêxistinê” hatibû vekirin, li 10’emîn Dadgeha Cezayê Giran a Amedê hat dîtin. Harran ji girtîgehê bi pergala SEGBÎS’ê tevlî danişînê bû û parêzerên wê Mehdî Ozdemîr û Yûsûf Çakas di danişînê de amade bûn.&nbsp;

	&nbsp;

	'ÎFADEYÊN ŞAHID RED KIRIN’

	&nbsp;

	Harran parastin xwe bi kurdî kir û da zanîn ku kesê li ser wê îfade daye, bêbextiyê lê dike. Harran, îfadeyên şahidê nepen red kir û daxwaza berdana xwe kir.”&nbsp;

	&nbsp;

	DOZGER CEZA XWEST

	&nbsp;

	Dozger piştî parastina Harran, mutalaya xwe &nbsp;şakere kir û xwest Harran ji ber sûcdariya ‘endamtiya rêxistinê’ bê cezakirin. Parêzerên Harran Mehdî Ozdemîr û Yûsûf Çakas jî, parastin ku muwekîla wan beşdarî çalakiyeke der qanûnî nebûye û xistin bê berdan.

	&nbsp;

	HAT BERDAN

	&nbsp;

	Şandeya dadgehê rewşa delîlan û dema girtina Harran li ber çavan girt û Harran bi şertê kontrola edlî serbest berda. Harran a ji bo wê qedexeya derketina derveyî welat hat dayîn, wê her 15 roj carekê biçe îmze bide qereqolê.&nbsp;

	&nbsp;