
Bûldan bi malbata Gulistan Dokû re hevdîtin kir

2020-11-05 13:50:21


	&nbsp;

	DERSIM – Hevseroka Giştî ya HDP’ê Pervîn Bûldan, çû ser pira ku lêgerîna Gulistan Dokû lê berdewam dike û got ku divê li ser kesên biguman bê rawestandin û ev tişt got: “Heta ji destê me tê em ê şopîner bin.”

	&nbsp;

	Hevseroka Giştî ya HDP’ê Pervîn Bûldan, li Dersimê tevlî bernameya partiya xwe ya 25’ê Mijdarê bû. &nbsp;Bûldan, li bajar bi malbata Gulistan Dokû re hevdîtin pêk anî. Bûldan, li ser pira ku lêgerîna Gulistan Dokû lê berdewam dike, bi xwişka Dokû Aygul Dokû re hevdîtin kir û got ku kesên bi guman diyar in divê li ser wan bê rawestandin. Di berdewamê de Bûldan, ev tişt gotin: “Divê lêpirsîneke bi bandor bê kirin. Heke wiha nebe dê encam neyê girtin. Heta ji destê me tê em ê şopîner bin. Bi pêşnûmepirsan bikin rojev.”

	&nbsp;

	Xwişka Dokû Aygul Dokû jî parastvanên mafên mirovan vexwend ser pirê û xwest piştgiriya wê bikin.&nbsp;

	&nbsp;