
Ji îstînafê biryara ‘Doza Panzerê’: 19 hezar TL guncawe

2020-11-05 10:33:59


	ŞIRNEX - Ji bo serlêdana îstînafê ya bersûcên Doza Panzerê polîs Omer Yegît ê ku ji bo wî 19 hezar TL pere ceza hatibû birîn û amîrê wî Mûrat Maden ên beraeta kiribûn de, hat gotin ku “li gorî qanûnê guncawe” û hat redkirin.

	&nbsp;

	Li navçeya Sîlopî ya Şirnexê, di 3’yê Gulan 2017’an de, polîs Omer Yegît ê ajokarê panzêrê li mala du birayên hev Muhammed ê 7 sal3ı û Furkan Yildirim ê 6 salî xistibû û her du zarokên li malê bûn perçiqandibûn. Di doza ku derbarê ajokarê panzêrê Omer Yegît û amîrê wî Mûrat Maden ê ku ferman da bû wî hatibû vekirin de, di Hezîrana pêr de biryar hatibû dayîn. &nbsp;

	&nbsp;

	2’yemîn Dadgeha Cezayê Giran a Cizîrê, têkildarî ajokarê panzêrê Omer Yegît, bi sûcdariya “Bi zanebûn bûna sedema mirin û birîndarkirin kesan” 2 sal û 1 meh cezayê girtîgehê û 19 hezar TL cezayê pere lê birîbû. Dadgehê, di heman demê de, derbarê amîrê polîsan Mûrat Maden de jî, biryarra beraetê da bû.&nbsp;

	&nbsp;

	ÎSTÎNAF: LI GORÎ QANÛNÊ GUNCAW DÎT

	&nbsp;

	Parêzerê malbata du birayên hev Yildirim, dozgerê dosyayê û parêzerê Omer Yegît, bi daxwaza betalkirina biryarê serî li Dadgeha Edliyê ya Herêma Dîlokê kirin. Daîreya Cezayê 16’emîn a Dadgeha Edliyê ya Herêma Dîlokê, îtîrazên hatibûn kirin ji binî ve red kirin. Di biryara redê ya dadgehê de, xebatên bersûc Yegît û Maden hatin bibîrxistin û biryara dadgeha herêmî ya da bû “li gorî qanûnê” guncaw dît.

	&nbsp;

	Di biryara hat dayîn de, ji bo biryara dadgeha herêmî ev pênase hat kirin. Têkildarî biryara dagehê, di warê rê û rêziknameya hiqûqî de, tu dijberiyek tuneye. Di pêvajoya darizandinê de, li gorî qanûnê her tişt hatiye kirin. &nbsp;Her tişt bê kêmasî bi cih hatiye anîn. Delîl di çarçoveya hiqûqî û qanûnî de hatine nîqaşkirin. Cezayê hatiye dayîn li gorî sûcê hatiye kirin, guncaw hat dîtin.”

	&nbsp;

	Di dawiya biryarê de, bi van hincetan, serlêdana îtîraza “beraeta” bersûc Yegît hat redkirin.&nbsp;

	&nbsp;

	MA / Gokhan Altay - Mahmût Rûvanas

	&nbsp;