
Eren Keskîn: Em ne mecbûrin mîna dewletê bifikirin 

2020-10-22 14:50:31


	&nbsp;

	&nbsp;

	STENBOL - Hevseroka Giştî ya ÎHD’ê Eren Keskin a ji ber parvekirinên xwe &nbsp;yên medya civakî tê darizandin, got: “Em ne mecbûrin mîna dewletê bifikirin.”

	&nbsp;

	Danişîna doza bi îdîaya “Propagandeya rêxistinê kirin” a bi hinceta parvekirinên medya civakî derbarê Hevseroka Giştî ya Komeleya Mafê Mirovan (ÎHD) Eren Keskîn de hatibû vekirin, li 36’emîn Dadgeha Cezayê Giran a Çaylayan a Stenbolê hat lidarxistin. Eren Keskîn û parêzerên wê beşdarî danişînê bûn. Di danişînê de, ewil dozger axivî û xwest ev dosya bi dosyayekê din a li 13’emîn Dadgeha Cezayê Giran a Stenbolê dewam re bibe yek.&nbsp;

	&nbsp;

	BIRYARA AYMÊ BI BÎR XIDT

	&nbsp;

	Keskîn di parastina kir de, biryara Dadgeha Qanûna Bingehîn (AYM) ya ji bo Sirri Sureyya Ondar û Akademîsyenên Ji Bo Aştiyê dayî bibîr xist û wiha got: “Dadgeha Qanûna Bingehîn biryara îhlalê da bû. Divê êdî dozên wiha neyin vekirin. Em ne mecbûrin ku mîna dewletê bifikirin.”

	&nbsp;

	DOZ TALOQ BÛ

	&nbsp;

	Şandeya dadgehê piştî parastin Keskîn biryara xwe aşkere kir. Dadgehê xwest ku daxwaza dozger ya ev dosya bi dosyayekê din a li 13’emîn Dadgeha Cezayê Giran a Stenbolê dewam re bibe yek bê nirxandin û danişîn taloqî 24’ê Kanûnê kir.&nbsp;

	&nbsp;