
Danişîna 18 HDP’iyan hat taloqkirin  

2020-10-22 14:20:35


	&nbsp;

	ŞIRNEX – Li Silopiya danişîna 18 kesên bi boneya beşdarî daxuyaniya çalakiya greva birçîbûnê bûne tên darizandin hat taloqkirin.&nbsp;

	&nbsp;

	Li navçeya Silopiya Şirnexê di 16’ê gulana 2019’an de bi hêceta li Silopiya beşdarî daxuyaniya greva birçîbûnê bûne û piştevanî dane çalakiya greva birçîbûnê, derbarê 18 kesan de bi hêceta “Muxalefetiya qanûna xwepêşandan, civîn û meşan kirine” doz li wan hatibû vekirin. Danişîna dozê li Dadgeha Cezayê Asliye ya 3’yemîn a Silopiya hat lidarxistin.&nbsp;

	&nbsp;

	Hevseroka rêxistina HDP'ê ya Cizîrê Guler Tunç, Endamê Meclîsa Şaredariya Silopiya yê HDP’yî Nedîm Oruç û rêvebera Rêxistina HDP’ê ya Silopiya Asya Akin jî di nav de bi giştî doz li 18 kesan hatiye vekirin. Siyasetmedar û welatî û parêzerên beşdarî danişînê bûn. Danişînê bi tespîta nasnameyan dest pê kir. Yên tên darizandin sûcdariya li ser xwe red kirin û beraeta xwe xwestin.

	&nbsp;

	Piştî parastinan, şandeya dadgehê ji bo temamkirina kêmasiyên dosyeyê danişînê taloqî 17’ê mijdarê kir.&nbsp;

	&nbsp;

	&nbsp;