
Li Meletiyê 5 kesên din jî hatin girtin  

2020-10-14 14:50:37


	&nbsp;

	MELETÎ – Li Meletiyê 5 kesên din jî di çarçoveya lêpirsîna KCD’ê de hatin girtin.

	&nbsp;

	Li Meletiyê hefteya bihûrî gelek kes di çarçoveya lêpirsîna Kongreya Civaka Demokratîk (KCD) de hatibûn binçavkirin. 5 kes beriya çend rojan hatibûn girtin. Hevserokê Rêxistina HDP’ê ya Navçeya Akdagê ya Meletiyê Mahîr Aslan, Abûzer Adiyaman, Bîrgul Dogan, Basrî Aslan û Alî Dagtekîn îro birin edliyê û dadger bi îdiaya “endamên rêxistinê ne” biryara girtinê da û ew şand Girtîgeha Meletiyê ya Tîpa E.&nbsp;

	&nbsp;

	KURÊ WÊ BI TENÊ MA&nbsp;

	&nbsp;

	Piştî Bîrgûl Dogan hat girtin, kurê wê Ethem Bulent Dogan (25) ê ji sedî 65 astengdarê zîhnî ye ku muhtacî xwedîkirinê ye bi tenê ma. Parêzeran raporên Ethem Dogan pêşkêşî dadger kirin û xwestin dayika wî neyê girtin. Lê belê dadgehê raporê li ber çavan negirt.&nbsp;

	&nbsp;

	BI GIŞTÎ 10 KES HATIN GIRTIN&nbsp;

	&nbsp;

	Di 12’ê cotmehê de di çarçoveya heman lêpirsînê de Alî Pîro, Hasan Basrî Çiplak, Saît Pektaş, Alî Yılmaz û di 13’ê cotmehê de jî Alî Dogan hatibûn girtin. Di çarçoveya dosyeyê de bi giştî 10 kes hatin girtin.&nbsp;

	&nbsp;