
Siyasetmedarên girtî wê îfadeya ‘Kobanê’ bidin

2020-10-08 12:00:25


	ENQERE &nbsp;- Siyasetmedarên jin ên girtî Sebahat Tûncel, Aysel Tûglûk, Gultan Kişanak û Gulser Yildirim, wê di çarçoveya “Lêpirsîna Kobanê” de îfade bidin.&nbsp;

	&nbsp;

	Di çarçoveya lêpirsîna Serdozgeriya Komarê ya Enqerê derbarê çalakiyên Kobanê yên di sala 2014’an bi rêve bir de, wê îfadeya siyasetmedarên jinên kurd ên li li Girtîgeha Tîpa F a Jimar 1 a Kandirayê girtîne bên girtin. &nbsp;&nbsp;

	&nbsp;

	Biryar ji Hevseroka Giştî ya Partiya Herêmên Demokratîk (DBP) ya &nbsp;berê Sebahat Tuncel, Hevşaredara Bajarê Mezin a Amedê ya berê Gultan Kişanak û parlamenterên berê yên Partiya Demokratîk a Gelan (HDP’ê Aysel Tûglûk û Gulser Yildirim re hat ragihandin.&nbsp;

	&nbsp;

	Hat hînbûn ku siyasetmedarên jin, wê roja Duşemê 12’ê Cotmehê, bi SEGBÎS’ê îfade bibin dozger.&nbsp;

	&nbsp;

	DERBARÊ LÊPIRSÎNÊ DE

	&nbsp;

	Hevserokê Qersê Ayhan Bîgen, parlamenterên berê Ayla Akat Ata û Altan Tan, Hevseroka Giştî ya BDP’ê Emîna Ayna, endamê Şandeya Îmraliyê Sirri Sureyya Onder jî di nav de, 20 siyasetmedar di serdegirtinên malan ên 25’ê Îlonê de, hatibûn binçavkirin. Ji siyasetmedarên anîn Midûriyeta Polîsan a Enqerê, çalakiyên Kobanê yên 6-8’ê Cotmaha 2014’an, daxuyaniyên tevlî bibûn û parvekirinên wan ên medya civakî hatin pirsîn. &nbsp;

	&nbsp;

	Hevserokê Qersê Ayhan Bîgen, parlamentera berê Ayla Akat Ata, Hevseroka Giştî ya BDP’ê Emîna Ayna û endamê MYK’a demî ya HDP’ê Alp Altinors jî di nav de 17 siyasetmedar hatin girtin. Siyasetmedar Sirri Sureyya Onder, Altan Tan û Gulfer Akkaya jî bi şertê kontrola edlî hatin berdan.&nbsp;

	&nbsp;