Îfadegirtina Hevşaredara Qersê Alaca û 20 kesan dest pê kir  

2020-10-03 14:29:48


	QERS – Hevşaredara Qersê Şevin Alaca û Cengiz Anli jî di navde îfadeya 21 kesên li Midûriyeta Polîsan a Qersê di bin çavan de tên girtin, dest pê kir. 

	 

	Hevşaredara Qersê Şevin Alaca, Hevserokê HDP'ê yê Qersê Cengiz Anli û endamên meclisa şaredariyê jî di navde 21 kes di 1'ê Cotmehê de li Qersê hatibûn binçav kirin. Piştî binçavkirina 3 rojan a 21 kesan îfadegirtina 21 kesan a li Midûriyeta Polîsan a Qersê dest pê kir. 21 kesên bi îdeaya "endamtiya rêxistinê" hatine binçavkirin, tê payîn ku sibê wan sewqî dozgeriyê bikin. 

	 

	21 kesên hatine binçavkirin wiha ne: Hevşaredara Qersê Şevin Alaca, Hevserokê HDP'ê yê Qersê Cengiz Anlı, Cîgirê Hevşaredarên Qersê Muazzez Çagritekin, Endamên meclîsa şaredariya Qersê Kaya Nakî,  Fahrettin Kaya, Omer Albayrak û Suat Bayhan, Endamê Meclisa Bajar ê Kaxizmanê Halil Kan, Endamê Şaredariya Bazarcixê Hamdi Erkmen, Endamê Şaredariya Digorê Hamit Taşdelen, Aktîvîsta TJA'yê Medya Tagay, Endamê Şaredariya Digorê yê berê Reis Baykiz, Hevserokê HDP'ê yê Digorê yê berê Zorba Başkutlu, Xebatkarên şaredariyê Şengul Erkmen, Nûçegîhana Demokrat Haber Selda Manduz, Hevserokê DBP'ê yê Navçeya Navendî İzzet Altig, Rêveberê HDP'ê yê berê Adem Karataş, Rêveberên HDP'ê yên Selimê yê berê Sabri Avag, Bulent Agbaba û Hazal Agadeve.