
Parêzer Ozbîngol dîsa nehat berdan  

2020-10-02 12:20:21


	&nbsp;

	RIHA – Parêzer Sevda Çelîk Ozgîngol di danişîna sêyemîn a doza xwe de jî nehat berdan.&nbsp;

	&nbsp;

	Danişîna sêyemîn a doza Parêzer Sevda Çelîk Ozbîngol bi îdiaya “Endama rêxistinê ye” û “Propaganda rêxistinê kiriye” tê darizandin li 6’emîn Dadgeha Cezayê Giran a Rihayê hat lidarixstin. Ozbîngol beşdarî danişînê bû û Serokê Baroya Rihayê Abdullah Oncel û parêzer di danişînê de amade bûn. Dosyeya niha Ozbîngol jê girtî ye bi dosyeyek ji sala 2014’an maye re kirin yek.&nbsp;

	&nbsp;

	Ozbîngol di danişînê de parastina xwe kir û diyar kir ku xebatên wê yên pîşeyî wek sûc di doznameyê de bicihkirin e û eleqeya vê yekê bi hiqûqê re nîne û xwest were berdan û beratkirin.&nbsp;

	&nbsp;

	Parêzeran jî parastina hevpîşeya xwe kir û xwestin were berdan.&nbsp;

	&nbsp;

	Şandeya dadgehê daxwaza berdanê red kir û biryara dewama girtina Ozbîngol da û danişînek din taloqî 17’ê mijdarê kir.&nbsp;

	&nbsp;