
Êrîşên nijadperest ên li Samsûnê hatin şermezarkirin 

2020-09-16 16:49:29


	&nbsp;

	SAMSÛN- Platforma Demokrasî ya Samsûnê, kuştina Eymen Hammamî yê ji Sûriyeyê û êrîşên nijadperest ên li bajêr şermezar kirin.&nbsp;

	&nbsp;

	Platforma Demokratîk a Samsûnê, derbarê Eymen Hammamî yê Sûriyeyî yê li navçeya Vezîrkopru di necama êrîşa nijaderestiyê hat kuştin de daxuyanî da. Daxuyanî li Derbasoka Suleyman a navçeya Îlkadim hat lidarxistin. Di daxuyaniyê de pankarta “Bila êrîşên nijadperest bi dawî bibin û bijî yekitiya gelan” hat vekirin. Kesên beşdarî daxuyaniyê bûn, bê navber dirûşmeyên li dijî nijadperestiyê berz kirin.&nbsp;

	&nbsp;

	BÊ CEZA HIŞTIN, NIJADPERESTIYÊ ZÊDE DIKE

	&nbsp;

	Ji endamên platformê Saît Kocaman, di daxuyaniyê de axivî û got: “Li welatê gelek penaberan şer heye. Ji ber vî şerî neçar mane ku koçî Tirkiyeyê bikin. Polîtîkayên nijadperest û cihêkar dibin sedema zext û tundiyên li penaberan tên kirin. Ji ber ku rayedar bergiriyan nagirin û bersûcan ceza nakin, &nbsp;ev êrîş dewam dikin. Provokasyonên nijadperest û êrîş heyî, tenê bi koçberan re sînordar namînin. Di rojên derbasbûyî de li Sakarya, Afyon û cihên cuda karkerên kurd rastî êrîşan tên û tên kuştin.”&nbsp;

	&nbsp;

	‘YÊN ŞER DIXWAZIN BERPIRSIYARIN’

	&nbsp;

	Kocaman, diyar kir ku li Samsûnê her tim êrîşên wiha rû didin û wiha bilêv kir: “Yên ku şer dikin, alîkariya nijadperestan dikin, karker û penaberan mîna koleyan didin xebitandin û yên şer dixwazin berpirsiyarin. Li dijî hemû şer, tundî û dagirkeriyê, divê hemû gelên bindest bi hev re têbikoşin. Ev pêdiviyek bingehîne.”

	&nbsp;

	&nbsp;