
Ji Kalesnikava ya hat revandin agahî nayê girtin 

2020-09-08 10:21:38


	ENQERE – Ji lîderên muxalefeta Belarusê Maryia Kalesnikava ku li dolmîşek hatibû siwarkirin û revandin hêj agahî jê nehatiye girtin. &nbsp;&nbsp;

	&nbsp;

	Duh serê sibê li bajarê Misk a Belarusê ji lîderên muxalefetê Maryia Kalesnikava li dolmîşek hatibû siwarkirin û revandin. Ji duh ve agahî jê nayê girtin.&nbsp;

	&nbsp;

	Alexander Lukashenko bi awayek guman dîsa bûbû Serokê Dewletê. Li dijî wî xwepêşandan hatibûn destpêkirin. Konseya Koordînasyonê ya xwepêşandanan li dar dixe daxuyanî da û ragihand ku Kalesnikava û endamên wan Andrei Yahorau û Irina Sukhiy ji aliyê kesên nasnameya wan nediyar ve hatine revandin.&nbsp;

	&nbsp;

	Wezareta Karên Navxweyî ya Belarusê têkildarî mijarê îdia kir ku tu agahiya wan jê nîne.&nbsp;

	&nbsp;

	WELATAN BERTEK NÎŞAN DA&nbsp;

	&nbsp;

	Nûnerê Bilind ê Polîtîkaya Ewlekariyê û Karê Derve ya Yekîtiya Ewropayê Josep Borrell daxuyanî da. Di daxuyaniyê de bang li Serokê Dewletê tê Belarûsê Aleksander Lûkaşenko kir ku hemû mûxalifên beriya hilbijartina di 9’ê Tebaxê de û piştî wê hatine girtin, serbest were berdan. Di daxuyaniyê de hate diyarkirin ku bila dev ji zextên siyasî jî were berdan.

	&nbsp;

	Wezîrê Karê Karên Navxeyî yê Litvanya Linas Linkevicius jî bertek nîşan da.

	&nbsp;

	Wezîrê Karên Navxweyî yê Elmanya Heiko Maas jî diyar kir ku ew derbarê silametiya Kalesnikova de bi fikar in û xwest demildest derbarê wê de agahî were dayîn.&nbsp;

	&nbsp;

	Wezîrê Karên Navxweyî yê Îngîlîstanê Dominic Raab jî da zanîn ku ev mijara revandinê di rojeva wan de ye.&nbsp;

	&nbsp;