
Li Rihayê polisan binçavkiriyan îşkence kir

2020-09-06 20:20:15


	&nbsp;

	RIHA – Parêzerê Saît Yardimci ku li Şaxa TEM’ê ya Rihayê tê girtin Sezaî Akin, ragihand ku di bin çavan de îşkence li muwekîlê wî hatiye kirin.

	&nbsp;

	Di 4’ê îlonê de li navçeya Wêranşarê ya Rihayê, polis û cendirmeyan bi ser malan de girtibû û bi angaşta “Piştgiriya rêxistinê” û “Endamtiya rêxistinê” welatiyên bi navê Hamdûllah Esen, Tayîp Temel û Mehmet Saît Yardimci binçav kiribûn. Hat diyarkirin ku Esen, Temel û&nbsp; Yardimci, li Miduriyeta Şaxa TEM’ê ya Rihayê hatine îşkencekirin.

	&nbsp;

	Parêzerê Yardimci, Sezaî Akin, bi Yardimci re hevdîtin kir û diyar kir ku muwekîlê ragihandiye ku di bin çavan de îşkence li wan hatiye kirin û ev tişt got: “Di dema hevdîtinê de şopê xwînê hebûn, hin deverên laşê wî mor bûbûn û kincên wî hatibûn qetandin. Dema ku wan birine nexweşxaneyê jî bijîjk ji 20 metreyî dûr ve wan mieyne kiriye û rapor girtî ye.”

	&nbsp;

	Hat hînbûn ku parêzerên Esen û Temel hê jî bi muwekîlê re hevdîtin nekirine. &nbsp;&nbsp;