
Şaredariya HDP’ê çand, qeyûm xwar û kir malê xwe!

2020-08-04 13:13:10


	SÊRT – TRT Haberê, projeya bîstan a Hevşaredarên Sêrtê yên ji peywirê hatin girtin xistibûn meriyetê, kir malê qeyûmê tayînî şaredariyê hatibû kirin.&nbsp;

	&nbsp;

	Hevşaredarên Partiya Demokratîk a Gelan (HDP) yên Sêrtê Bêrîvan Helen Işik û Peymandara Tûrhan, berî qeyûm bê dayînkirin, 20 donim erdê aîdê şaredariyê yê li Taxa Kooperatîfê ya li bajêr, kiribûn bîstan û cûreyên cuda yên sebzeyan tê de çandibûn. &nbsp;

	&nbsp;

	Rêveberiya HDP’ê ya Şaredariyê, ragihandibû ku ew ê berhemên çandine, bêpere li welatiyan belav bikin.&nbsp;

	Lê berî ku berhem bigihêjin, hevşaredarên Sêrtê di 15’ê Gulanê ji peywirê hatin girtin û qeyûm tayînê cihê wan hatibû kirin. Piştî qeyûm hat tayînkirin jî, ekîbên şaredariyê xebatên xwe yên bistan dewam kirin.

	&nbsp;

	QEYÛM HAT, NÛÇE ÇÊKIRIN

	&nbsp;

	TRT Haberê, projeya bîstan a Hevşaredarên HDP’ê kir malê qeyûm û diyar kir ku ev projeye bîstan, yek ji projiyên qeyûme. Di nûçeya TRT Haber a darbarê bîstanê de, wiha hat gotin: “Di 20 donim erdê beyar ê Şaredariya Sêrtê de, bexçeyê sebzeyan ava kir.” Lê di heman demê de nehat diyar kirin ku ev baxçe çi demê hatiye çandin. &nbsp; &nbsp;&nbsp;

	&nbsp;

	HEVŞAREDARAN BERTEK NÎŞAN DAN

	&nbsp;

	Hevşaredarên Sêrtê Berîvan Helen Işik û Peymandara Tûrhan ên ji peywirê hatibûn girtin, li ser hesabên xwe yên medya civakî bertek nîşanî vê rewşê dan. Tûrhan, di parvekirina xwe de wiha got: “Ew sebze Şaredariya HDP’ê çandine. Lê nûçe weke ku qeyûmê şaredariyê ew sebze çandine hatiye amadekirin. Şerme, bi rastî jî pir şerme. &nbsp;Bi rastî jî, tu gotinekê ku ez ji bo we bikim tuneye.”&nbsp;

	&nbsp;

	Hevşaredar Işik jî, di parvekirina kir de wiha bertek nîşan da: “Ev projeya çandiniyê me di 22.04.2020’an pêk anî. Weke ku nû be û wan kiribe kirine nûçe di TV’î de parvekirin. Dizitî, dizitiya keda me û xespkirin encex evqas be!”

	&nbsp;