
Dorpêça li Basa dewam dike

2020-07-31 10:50:41


	ŞIRNEX - Piştî şerê duh il gundê Bana yê navçeya Basa rû da, 3 kes hatin binçavkirin û ji bo gund sewqiyeta leşkerî hat kirin. Di heman demê de, di encama şewata piştî şer rû da de, 90 donim ceh bû xelî.&nbsp;

	&nbsp;

	Helîkopteran duh herêma Dereîçî ya gundê Bana ya navçeya Basa ya Şirnexê bombebaran kirin û dûre şer derket. Piştî şerê rû da, gund hat dorpêçkirin û dorpêça gund dewam dike.&nbsp;

	&nbsp;

	3 KES HATIN BINÇAVKIRIN

	&nbsp;

	Piştî ku gund bi wesayîtên zirxî hat dorpêçkirin, Fikrî Ozkan, bavê wî Haci Abdullah Ozkan û şevanê gund Haci Savcûn hatin binçavkirin. Kesên hatin binçavkirin, nehat zanîn ku ka bi ku ve birin. Dîsa duh bi şev di serdegirtina malan de Ferhat Kaya hat binçavkirin û di saetên serê sibê de serbest hat berdan.&nbsp;

	&nbsp;

	90 DONIM CEH BÛ XWELÎ

	&nbsp;

	Duh di encama şer û bombebaranê de, 90 donım erdê ceh ê gundiyan şewitî û bû xwelî. Şewata ku kesekê mudaxile nekir, ji ber xwe ve vemirî. Di heman demê de, ava gundiyan duh hatibû birîn û hîna jî birîna avê dewam dike.&nbsp;

	&nbsp;

	Hat diyar kirin ku piştî şer leşker sewqî gund hatine kirin û li herêmê dest bi operayonê kirin.&nbsp;

	&nbsp;