
Di doza cînayeta Ayşe Çeçen de parastina zayendperest kirin

2020-07-22 15:58:43


	&nbsp;

	MÊRDÎN - Danişîna doza darizandina bav û 3 xizmên jina ciwan a 17 salî Ayşe Çeçen a malbata wê di sala 2013’an de ixbara “windabûna” wê kiribû û piştî 6 salan cenazeyê wê li bajarê Qamişlo hatibû dîtin, hat lidarxistin.

	&nbsp;

	Li navçeya Qoser a Mêrdînê, malbata Ayşe Çeçen a 17 salî di sala 2013’an de ixbara “windabûna” wê kiribûn û piştî 6 salan di sala 2019’an de cenazeyê wê li bajarê Qamişlo yê Bakur û Rojhilatê Sûriyeyê ji aliyê ekîbên asayîşê yên girêdayî Rêveberiya Xweser ve hatibû dîtin.Têkildarî mirina Ayşe Çeçen bav û 3 xizmên wê hatibûn girtin. Yekemîna danişîna doza darizandina 4 kesan îro hat lidarxistin. Danişîn li 5’emîn Dadgeha Cezayê Giran a Mêrdînê hat dîtin. Bavê Ayşe Çeçen Mehmet Farûk Çeçen, apên wê Îdrîs û Îsmaîl Çeçen ji girtîgehê bi SEGBÎS’ê beşdarî danişînê bûn.&nbsp;

	&nbsp;

	Parêzerên bersûcên girtî û yên ne girtî, parêzerên Wezareta Polîtîkayên Malbatî û Civakî tevlî danişînê bûn.&nbsp;

	&nbsp;

	Balkêş bû ku ji parêzerên Komîsyona Jinan a Baroya Mêrdînê kes beşdarî danişînê nebûn û ji bo beşdarî danişînê bibin jî, serlêdan nekiribûn.&nbsp;

	&nbsp;

	Piştî danasîna nasnameyê, danişînê dest pê kir û ji bersûcan Îdrîs Çeçen parastina xwe kir. Çeçen, diyar kir ku bêbextî li wî hatiye kirin û wiha îdîa kir: “Min bihîst ku biraziya min Ayşe ji aliyê kesekê Sûriyeyî ve hatiye revandin. Tu eleqaya min bi vê bûyerê re tuneye.”

	&nbsp;

	HEVJÎNA XWE SÛCDAR KIR&nbsp;

	&nbsp;

	Bavê Ayşe Çeçen Mehmet Farûk Çeçen jî di parastina kir de wiha got: “Piştî ku min bihîst têkiliya wê bi çawîşek pispor re heye, ez û Ayşe re çûm Iraqê. Dûre em ji Iraqê vegeriyan. Piştre jî Ayşe winda bû. Li ser vê yekê ez çûn qereolê û serlêdana windabûna kir. Min difikirî ku Ayşe hîna jî dijî.” Çeçen di dawiya parastina xwe hevjîna xwe sûcdar kir.

	&nbsp;

	Piştî parastinên bersûcan parêzer hatin guhdarkirin. Parêzerên bersûcan di parastina kirin de dayika Ayşe Çeçen bi sûcdariyên zayendperest ên giran tewambar kirin.&nbsp;

	&nbsp;

	Dadgehê dûre biryar da ku girtina bersûcan dewam bike û danişîn taloqî 25’ê Îlonê kir.&nbsp;

	&nbsp;