
Ji Meclisa Ciwanan a HDP’ê kampanya ‘Bikeve tevgerê’

2020-07-21 14:35:29


	AMED – Meclisa Ciwanan a HDP’ê, di çarçoveya “Bernameya Têkoşîna Demokratîk” a partiyê de dê sibê starta kampanya “Tev bi hev re bikeve tevgerê” bide. Hevberdevka Meclisa Ciwanan Sevîm Akdag, derbarê kampanyayê de ev tişt got: “Êdî li şûna daxwazê, em ê jî înşa bikin. Em bang dikin ku ciwan li qad û kuçeyê gotina xwe bibêjin.”

	Meclisa Ciwanan a HDP’ê, di çarçoveya “Bernameya Têkoşîna Demokratîk” a partiyê de kampanya “Tev bi hev re bikeve tevgerê” dide destpêkirin. Sibê, li Parqa Maçka ya navçeya Şîşlî ya Stenbolê, bi beşdariya hevserokên giştî yên partiyê Pervîn Bûldan û Mîthat Sancar starta kampanyayê bê dayîn û heta 1’ê îlonê berdewam bike.&nbsp;

	&nbsp;

	Meclisa Ciwanan, bi kampanyayê heta 1’ê Îlonê bi rojeva tacîz û tecawiz, talana ekolojiyê, bêkarî, pergala perwerdeyê û tecrîdê gelek çalakî û hevdîtinan pêk bîne.&nbsp;

	&nbsp;

	WÊ CIWAN BÊN GEL HEV

	&nbsp;

	Piştî startê heta 26’ê tîrmehê li gelek bajaran bi ciwanan re hevdîtin bên kirin, pirsgirêkên wan bên guhdarkirin û derbarê çareseriya pirsgirêkên wan de xebat bên meşandin. Di navbera 26 û 10’ê tebaxê de jî di çarçoveya kampanyayê de seryran, geşt û tûrên bisqiletê bên lidarxistin.&nbsp;

	&nbsp;

	Dê meclis, di navbera 10-30’ê tebaxê de jî xebatên atolyeyê bên sazkirin. Di vê çarçoveyê de wê rihê ciwanan, istismara zarokan, tacîz û tecawiz, pergala alternatif a perwerdeyê û pirsgirêkên kedkaran bên nîqaşkirin.&nbsp;

	&nbsp;

	TECRÎT

	&nbsp;

	Di çarçoveya kampanyayê de dê derbarê tecrîda li ser Rêberê PKK’ê Abdullah Ocalan û zextên ku li girtîgehan li ser girtiyan zêde bûne jî xebat bên kirin û ciwan li dijî tecrîdê plana têkoşînê çêbikin.&nbsp;

	&nbsp;

	Her wiha di çarçoveya kampanyayê de Meclisa Ciwanan dest bi xebatên xwe yên akademiya siyasete jî dike.&nbsp;

	&nbsp;

	MEŞA 1’Ê ÎLONÊ

	&nbsp;

	Meclisa Ciwanan, dê bi hemê rêxistinên ciwanan re li Amed û Stenbolê bi meşen dirêj tevlî mitîngên 1’ê Îlonê bibe.&nbsp;

	&nbsp;

	CIWAN DEST BI ÎNŞAYÊ DIKIN

	&nbsp;

	Hevberdevka Meclisa Ciwanan Sevîm Akdag, derbarê kampanyaya ku bidin destpêkirin de axivî. Akdag, diyar kir ku êdî li şûna daxwazê wê jî înşa bikin û bang li hemû ciwan kir ku li qad û kuçeyê gotina xwe bibêjin.&nbsp;

	&nbsp;

	MA / Ozgur Paksoy

	&nbsp;

	&nbsp;