
Polîsan pankarta ku tecawizê şermezar dike qedexe kir!  

2020-07-17 16:44:24


	ÊLIH – Li Êlihê rêveberên HDP’ê pankarta “Ji destdirêjî, &nbsp;tecawiz û îstîsmarê re bêdeng nemîne” vekirin. Polîsan bi hêceta “bûyer ne li navenda Êlihê qewimiye” destûr nedan pankartê.&nbsp;

	&nbsp;

	Rêxistina HDP’ê ya Êlihê li dijî bûyerên destdirêjî û tecawizê yên li Şirnex û Êlihê qewimîn li ber avahiya xwe daxuyanî da çapemeniyê. Parlamentera HDP’ê ya Êlihê Feleknas Ûca û rêveberên HDP’ê, aktîvîstên TJA’yê û Dayikên Aştiyê beşdarî daxuyaniyê bûn. HDP’îyan di daxuyaniyê de pankarta “Duh li Şirnexê îro li Êlihê ji destdirêjî, &nbsp;tecawiz û îstîsmarê re bêdeng nemîne” vekirin. Polîsan bi hêceta “bûyer ne li navenda Êlihê qewimiye, hûn bajêr nebaş dikin” destûr nedan pankartê.&nbsp;

	&nbsp;

	Li ser vê yekê parlamenter Ûca pankartê li dora xwe pêça û wiha bertek nîşanî polîsan da: “Ez ê wek cilan li xwe bikim. Hûnê ji ser min jî derxin? Heke ku hûn li dijî tecawizê ne werin em bi hev re daxuyaniyê bidin.”&nbsp;

	&nbsp;

	Heta ku daxuyanî bi dawî bû jî Ûca pankartê ji dora xwe nekir û bi pêçandina pankartê daxuyanî da.&nbsp;

	&nbsp;

	HER TIŞT DI NAMEYÊ DE HATIYE VEGOTIN&nbsp;

	&nbsp;

	Ûca da zanîn ku wan malbata Î.P. a duh li Qûbînê ji ber tecawizê çawişê pispor M.O. xwestiye întîhar bike ziyaret kirine û di nameya Î.P. nivîsandiye de her tişt eşkere vedibêje. Ûca destnîşan kir ku divê her kes li dijî vê bêehlaqiya karmend, leşker û polîsên dewletê deng derxe û nerazîbûnên xwe bîne ziman.&nbsp;

	&nbsp;