
Polisan dayika 70 salî Hayriye Demîr binçav kir 

2020-07-14 12:07:22


	AMED - Li gundê Fîsê yê navçeya Licê, polîsan bi ser mala dayika 70 salî Hayriye Demîr de girtin û binçav kirin.&nbsp;

	&nbsp;

	Polîs û leşkeran di çarçoveya operasyona li dijî jinan a Amedê de, li Gundê Fîsê yê navçeya Lîcê bi ser du malan de girtin. Gelek leşkeran bi maşiyên xwe yên zirxî gund dorpêç kirin û li 2 malên bi serde girtin, lêgerîn kirin. Leşkeran di dema lêgerînê de hemû alavên malan belav klirin û dayika 70 salî Hayriye Demîr binçav kirin.

	&nbsp;

	Hat diyar kirin ku di heman demê de, leşkeran dest danîne ser wêneyê zarokê Demîr ê PKK’yî.&nbsp;

	Leşkeran Demîr ji gundê Fîsê birin navenda navçeya Lîcê û li bendêye ji wir jî bînin Midûriyeta Polîsan a Amedê.

	&nbsp;

	2 ZAROKAN XWE WINDA KIR, YEK JÎ GIRTIYE

	&nbsp;

	Kurê Hayriye Demîr Cengîz Demîr di sala 1999’an de beşdarî PKK’ê dibe û di sala 1999’an de, di dema paşve kişandinê de, di şerekê de jiyana xwe ji dest didin. Cenazeyê kurê Demîr ê li Goristina Xerzanê tê definkirin, di 19’ê Kanûna 2017’an de bi 267 cenazeyan re ji gorên wan tên derxistin û bi îdîaya testa DNA’yê dişînin Saziya Tipa Edlî (ATK) ya Stenbolê. Dûre cenazeyê kurê Demîr dibin peyarên Goristana Bêkesan a Kîlyosê ya Sariyerê tê definkirin. Malbat pişt re cenazeyê kurê xwe diger û li Gundê Fîsê defin dike.&nbsp;

	&nbsp;

	Kurê Hayriye Demîr Tekîn Demîr jî, di sala 1992’yan de beşdarî PKK’ê dibe û di sala 1993’yan de di şerekê de jiyana xwe ji dest dide. Hîna jî nayê zanîn cenazeyê kurê Demîr Tekîn Demîr li ku derê ye.&nbsp;

	&nbsp;

	Kurê Demîr Abdullah Demîr jî, bi hincetên siyasî cezayê muebetê lê hat birîn û ev 25 salin girtiye.

	&nbsp;

	&nbsp;