
Hevşaredara Pirsûsê Çevîk hat berdan 

2020-06-23 14:53:41


	&nbsp;

	RIHA – Hevşaredara Pirsûsê Hatîce Çevîk a qeyûm tayînî şûna wê hatibû kirin di danişîna duyemîn de hat berdan.&nbsp;

	&nbsp;

	Hevseroka Şaredariya Navçeya Pirsûsê ya Rihayê Hatîce Çevîk ji wezîfeyê hatibû girtin, qeyûm tayînî şûna wê hatibû kirin û pişt re hatibû girtin. Derbarê Çevîk de bi îdiaya “endama rêxistinê ye” doz lê hatibû vekirin. Danişîna duyemîn a dozê li Dadgeha Rihayê hat lidarxistin. Çevîk bi rêya dîmen ji Girtîgeha Jinan a Tarsûsê beşdarî danişînê bû. Parêzerên wê Ahmet Ceylan, Îsmîla Bulbul û Muslum Baran jî di danişînê de amade bûn.&nbsp;

	&nbsp;

	Çevîk sûcdariya li ser xwe red kir û diyar kir ku ji bo qeyûm were danîn hin îdia derbarê wê de hatine kirin. Çevîk got derbarê wê de tu delîlek şênber wê sûcdar bike nîne û xwest were berdan.&nbsp;

	&nbsp;

	Parêzeran jî anî ziman ku girtina miwekîla wan bêhiqûqî ye û xwestin were beratkirin.&nbsp;

	&nbsp;

	Şandeya dadgehê piştî parastinê biryara berdana Çevîk da.&nbsp;

	&nbsp;

	Danişînek din a dozê taloqî 27’ê cotmehê hat kirin.&nbsp;

	&nbsp;

	&nbsp;

	&nbsp;