
Bertekên li dijî bombebaranên TSK’ê

2020-06-23 11:28:26


	&nbsp;

	NAVENDA NÛÇEYAN - Êrîşên hewayî û bejayî yên TSK’ê yên li ser Herêma Kurdistana Federe li gelek cihan bi meş û daxuyaniyan hatin şermezar kirin.&nbsp;

	&nbsp;

	Êrîşên hewayî û bejayî yên Hêzên Çekdarên Tirk (TSK) yên li ser Herêma Kurdistana Federe ya Iraqê li gelek navendan hatin şermezar kirin. Li bajarê Silêmaniyê, gelek hunermendan duh daxuyanî dan çapemeniyê û berteka xwe ya li dijî êrîşan rave kirin. Hûnermen ji bo daxuyanî bidin li ser gora helbestvanê kurd Şêrko Bêkes kom bûn.&nbsp;

	&nbsp;

	Hûnermend Tara Mîhemed, êrîşên Tirkiyeyê şermezar kir û wiha got: “Tirkiye ne tenê dixwaze rêyên leşkerî, di heman demê de dixwaze rêyên çand û hunerê yên Kurdistana Başûr jî dagir bike. Em helwesta gelê Şêladizê ya li dijî êrîşan pîroz dikin. Em li gel wane. Daxwazên gelê Şêladizê, daxwazên me ne jî.”&nbsp;

	&nbsp;

	MEXMÛR

	&nbsp;&nbsp;

	Li Kampa Mexdûrê jî, heman çalakiya şermezarkirinê hat lidarxistin. Bi sedan kes, li ber deriyê Neteweyên Yekbûyî yê kampê ve meşiyan. Endama Koodînasyoan Meclîsa Îştarê Xurbet Îşlek, daxuyanî da û ev bang kir: “Ji bo parastina nirxên Kurdistanê rabin ser piyan.” &nbsp;Îşlek, bertek nîşanî êrîşan da û wiha &nbsp;got: “Divê her kes li dijî êrîşan, dakevin qadan. AKP û MHP bi hemû hêza xwe êrîş dike. Wisan tê xuya kirin ku Tirkiye bi van êrîşên xwe, armanca dike ku hemû axa Kurdistanê dagir bike.”&nbsp;

	&nbsp;

	SILÊMANÎ

	&nbsp;

	Li Derbendîxana Silêmaniyê jî, gelek welatiyan bertek nîşanî êrîşan dan. Bijîşk Hekîm Ebdûlkerîm, di daxuyaniya da de wiha got: “Divê hikumeta Kurdistanê, li dijî êrîşên hikumeta AKP’ê helwesta xwe zelal bike.”

	&nbsp;