
Li Îtalyayê ji ber vîrusa koronayê dibistan hatin girtin. 

2020-03-04 17:00:48


	&nbsp;

	NAVENDA NÛÇEYAN - Li Îtalyayê, ji ber vîrusa koronayê hemû dibistan û zanîngeh ji bo demekê hatin girtin.

	&nbsp;

	Li Îtalyayê, piştî ku hejmara kesên ku ji ber vîrusa koronayê jiyana xwe ji dest dan derketin 79'an, hikûmetê biryar girt ku heta nîveke meha adarê hemû dibistan û zanîngeh bi awayekî demkî bên girtin. Midurê Giştî yê Parastina Sivîl Angelo Borrelli, li paytexta Îtalya Romayê di civîna rojane ya çapameniyê rewşa dawîn a vîrusa koronayê parve kir. Borrellî, diyar kir ku vîrus derbasî 2 hezar û 502 kesan bûye û hejmara kesên ku ji ber vîrusê jiyana xwe ji dest dane 27 kes zêde bûne û derketiye 79 kesan.&nbsp;

	&nbsp;

	Serokwezîrê Îtalyayê Gîûseppe Conte, li Miduriyeta Giştî ya Parastina Sivîlan bi Wezîrê Tenduristiyê Roberto Speranza û rayedarên din re hevdîtin pêk anîn. Hat ragihandin ku dê Serokwezîr Conte, di saetên êvarê de bi nûnerên partiyên siyasî yên komên li parlamentoyê hene re jî bê gel hev û rewşa dawîn û bergiriyên nû binirxîne.&nbsp;

	&nbsp;

	Li aliyê din li paytexta Belçîka Brukselê bi xebatkarekî Nunertiya Yekitiye Ewropayê (YE) re vîrus hatiye dîtin.&nbsp;

	&nbsp;

	Li gorî nûçeya Daily Mailê Berdevkê YE'yê Dana Spinant weqayê piştrast kiriye û kesê ku vîrus pê re hatiye dîtin jî xebatkarekî Ajansa Parastina Ewropayê ye ku ki Îtalyayê vegeriyaye.&nbsp;

	&nbsp;

	Heta niha li Belçîkayê 13 weqayê vîrusa koronayê hatine tespîtkirin.&nbsp;