
Teatra Yekta Hêvî promiyera ‘Kirêciyê Nû’ da pêşandan  

2018-10-05 10:11:17


	&nbsp;

	AMED – Teatra Yekta Hêvî bi promiyera lîstika xwe ya “Kirêciyê Nû” perdeya dika xwe vekir. Derhênerê lîstikê Ozgur Adiguzel got lîstik kapîtalîzmê rexne dike. &nbsp;&nbsp;

	&nbsp;

	Teatra Yekta Hêvî ya li Amedê xebatên xwe yên şanoyê birêve dibe, bi lîstika xwe ya nû ya bi navê “Kirêciyê Nû” perdeya sezonê vekir û promiyera wê da pêşandan. Lîstika “Kirêciyê Nû” ya nivîskarê şanoyê faransî Eugene Lonesco ku wergerandin kurdî û behsa rewşa kapîtalîzmê dike. Lîstîk li ser dika Şanoya Bajêr a Amedê hat pêşandan.&nbsp;

	&nbsp;

	Gellek şanohez beşdarî promiyera lîstikê bûn. Hin kêliyên lîstikê temaşevanan kenand. Lîstik nêzî saetekê dom dike. Dema lîstik bi dawî bû temaşevanan li ser piya li çepikan da.&nbsp;

	&nbsp;

	Derhênerê lîstikê Ozgur Adiguzel piştî lîstikê axivî û got ên keda wan derbas bûye yek bi yek malovaniya wan dixwaze. Adiguzel anî ziman ku keda derhenêrê wan Giyasettîn Şehîr ê beriya çend rojan bi îdaya “Endamê rêxistinê ye” hat girtin jî di lîstikê de hebû û ew di şexsê Şehîr de hemû girtiyan silav dikin.&nbsp;

	&nbsp;

	‘KAPÎTALÎZMÊ REXNE DIKE’

	&nbsp;

	Adiguzel ji ajansa me Mezopotamyayê re jî bi taybetî axivî û wiha behsa naveroka lîstikê kir: “Kesek mala xwe nû bar dike diçe avahiyek û kel û melê xwe vala dike. Di vir de lîstika me hem behsa civak û kesayetê dike. Jinek dixwaze bibe dergevanê wê avahiyê û behsa xizaniya xwe dike. Ev jin behsa hemû jiyana xwe dike. Lê ev kirêciyê nû ku zilam e qet ne axive. Piştî zilam naxive hemal tên ku kel û melên wî bînin hundir. Di vir de ev derdikeve holê yên feqîrîn jixwe re vala diaxivin û yên ku dewlemendin jî qet naxivin û najîn jî. Çimkî jiyana xwe li ser malê dinyayê ava kirin e. Di dawiya lîstikê de ji ber ku ewqas kel û melên zilam pirr in, di nav de ditengije û difetise. Lonesco di vir de balê dikişîne ser jiyana mirovan ku jiyana wan li ser alav û tiştan e. Yanî bi kurtasî lîstik rewşa kapîtalîzmê dinirxîne û rexne dike.”&nbsp;

	&nbsp;

	Adiguzel destnîşan kir ku ew xebatên xwe di bin banê Mala Hunerê Duçemê de birêve dibin û ew ê ji niha şûn dê li gellek deverên din jî derkevin ser dikê. Adiguzel got nêzî çar mehan li ser lîstikê xebitî ne û bi awayek kolektif lîstika xwe çêkirine û lîstikvan jî ji 4 kesan pêk tê.&nbsp;

	&nbsp;

	&nbsp;

	&nbsp;

	&nbsp;