
Xwestin kedkarên tenduristiyê bên berdan 

2019-08-09 15:39:08


	&nbsp;

	STENBOL – Şaxên SES’ê yên Stenbolê girtina xebatkarên tenduristiyê yên li Cizîrê şermezar kirin û xwestin xebatkar bên berdan.&nbsp;

	&nbsp;

	Şaxên Sendîkaya Kedkarên Tenduristî û Xizmeta Civakî (SES) yên Stenbolê girtina 4 xebatkarên tenduristiyê yên li navçeya Cizîrê ya Şirnexê bi boneya zarokek di serdema qedexeya derketina derve de derman kirin û hatin girtin şermezar kir. SES’ê civîna çapemeniyê li avahiya Şaxa Egîtîm Senê ya li Taksîma Stenbolê li dar xist. Kedkarên tenduristiyê beşdarî civînê bûn û bi pankartê vekirin xwestin hempîşeyên wan bên berdan.&nbsp;

	&nbsp;

	‘HEVALÊN ME BERDIN’&nbsp;

	&nbsp;

	Rêvebera Şaxa SES’ê ya Navçeya Şîşliya Stenbolê Handan Misiroglu Arik daxuyanî da û got girtina xebatkarên tenduristiyê hem li dijî hiqûqa destûra bingehîne û hem jî li dijî hiqûqa navnetewî ye. Arik got hevalên wan kedkar li gorî hiqûqa gerdûnî û berpirsiyariya pîşeyî karê xwe kirine û xwest hevalên wan demildest bên bedan.&nbsp;

	&nbsp;

	ÎXRACKIRINA ORUÇ ŞERMEZAR KIRIN

	&nbsp;

	Arik bi bîr xist ku Hevserokê Şaxa SES’ê ya Amedê Recep Oruç ji wezîfeyê îxrac kirine û got ew biryara îxrackirina Oruç şermezar dikin.&nbsp;

	&nbsp;