
Xizîneyê li gorî par çar qet zêdetir li kêmiyê da  

2023-05-10 13:15:43


	&nbsp;

	NAVENDA NÛÇEYAN - Kêmiya neqdî ya xizîneyê li gorî par çar qet zêdetir bû. Banka Navendî di meha dawî de 49 milyar dolar firot û mudaxaleyî piyasayê kir.&nbsp;

	&nbsp;

	Beriya hilbijartina serokkomarî û parlamenteriyê ku dê di 14’ê Gulanê de bên lidarxistin, liv û tevgera di dovîzê de jî zêde bû. Aborînas dibêjin dolar ku duh derketî 19,52 TL’an dê piştî hilbijartinê pir bilindtir bibe.&nbsp;

	&nbsp;

	KÊMIYA DI XIZÎNEYÊ DE DERKET 417 MILYARAN

	&nbsp;

	Liv û tevgera di dolar û euroyê de zêde bû û li rexa din xizîne her ku diçe bêhtir li kêmiyê dide. Li gorî par, xizîneyê 4 qet zêdetir li kêmiyê daye. Li gorî daneyên “Kirariyên neqdî yên xizîneyê” ya nîsana 2023’yan a Wezareta Xizîne û Darayî; 159,1 milyar TL neqd li kêmiyê daye, neqdê derveyî faîzê jî 132,1 milyar lîre li kêmiyê daye. Li gorî vê yekê, beriya hilbijartinê di nava 4 mehan de Xizîneyê bi giştî 417 milyar TL li kêmiyê da.&nbsp;

	&nbsp;

	MUDAXALEYA BANKA NAVENDÎ

	&nbsp;

	Banka Navendî ku hewl dide pêşî li ber kurê bigire, lez da firotina dovîzê. Li gorî daneyên aborînasên &nbsp;Bloombergê, Banka Navendî ji kanûna 2021’an heta nîsana 2023’yan bi giştî 177 milyar dolar firot û mudaxeleyî piyasayê kir. Bankayê di meha dawî de 49 milyar dolar pere firot û mudaxaleyî piyasayan kir.&nbsp;

	&nbsp;