
Li Amedê xebatkarên tenduristiyê dev ji kar berdan

2020-08-20 16:05:58


	AMED – Endamên Şaxa SES’ê ya Amedê, ji bo balê bikişînin şertên xwe yên zor ên xebatê û mafê xwe yên xwebûnê ji bo saetekê dev ji kar berdan û ji bo Wezareta Tenduristiyê “Qutiya bexşandinê” amade kirin.&nbsp;

	Endamên Şaxa Sendîkaya Kedkarên Xizmetên Civakî û Tenduristiyê (SES) a Amedê, ji bo balê bikişînin ser şertên xwe yên xebatê û bi daxwaza heqdesta adîlane, li Nexweşxaneya Lêkolîn û Perwerdeyê ya Gazî Yaşargîlê, ji bo saetekê dev ji kar berdan û çalakiya rûniştinê li dar xistin.&nbsp;

	&nbsp;

	POLIS: DENGÊ XWE LI SER MEDYA CIVAKÎ RAGIHÎNIN&nbsp;

	&nbsp;

	Di navbera polisên ku xwestin çalakiyê assteng bikin û xebatkarên tenduristiyê de nîqaş derket. Amirekî polisan, angaşt kir ku çalakiya xebatkarên tenduristiyê li dijî qanûnan e û daxwaz kir ku çalakî li ser medya civakî bê kirin.&nbsp;

	&nbsp;

	DENGÊ WAN NABIHÎZIN

	&nbsp;

	Sekreterê Şaxa SES’ê ya Amedê Eyup Ay, diyar kir ku dengê xebatkarên tenduristiyê ji aliyê rayedaran ve nayê bihîstin û ev tişt got: “Wezaret wekî ku henekê xwe bi aqilê me bike, daxuyaniyan dide. Em vana qebûl nakin. Em ê dengê xwe bînin ziman.”

	&nbsp;

	WÊ DENGÊ XWE BIDINE BIHÎSTIN

	&nbsp;

	Rêvebera Şaxa SES’ê ya Amedê Gonul Adibellî, diyar kir ku sozên ku destpêka pandemiyê ji xebatkarên tenduristiyê re hatine dayîn pêk nehatine û ev tişt anî ziman: “Bergiriyên ku hatine girtin bes in gelo? Desthilat mecbûr e van bergiriyan bigire. Di nav hefeteyekê de li Riha û Amedê 2 bijîkên hevalên me, teknîsyenê tenduristiyê û hevalekî me yê qadroya taşeron jiyana xwe ji dest dan. Çalakiyên me yên ji bo bihîstina dengê me tên astengkirin, lê em ê çalakiyên xwe bidomînin.”&nbsp;

	&nbsp;

	JI BO WEZARETÊ QUTIYA BEXŞANDINÊ DANÎN&nbsp;

	&nbsp;

	Piştî axaftinan xebatkaran dest bi çalakiya rûniştinê kir. Xebatkaran ji bo balê bikişînin ser heqdesta kêm ku digirin jî li ser navê Wezareta Tenduristiyê “qutiya bexşandinê” danî û pereye hûr avêtin zika.

	&nbsp;